Gjykata e Posaçme ka vendosur të pushojë gjykimin e çështjes ndaj Xhelal Mziut, të akuzuar për shpifje nga ish-kryebashkiaku i Matit dhe aktualisht deputeti i Partisë Sosialiste, Agron Malaj. Vendimi erdhi për shkak të mosparaqitjes në proces të palës akuzuese, si dhe mbrojtjes së Mziut.
Sipas informacioneve nga GJKKO, gjykata ka shpallur pushimin e procedurës për kërkesën me numër 30/101, datë 05.06.2025, që i përket Malajt si viktimë akuzuese. Xhelal Mziu akuzohej për veprën penale të shpifjes, sipas nenit 120 pika 2 të Kodit Penal. Gjykata e mori këtë vendim për shkak se as Agron Malaj, as avokati i tij, i cili është zgjedhur personalisht, nuk u paraqitën në seancë, pa shkaqe të arsyeshme.
Padia e Malajt ndaj Mziut u nisi pas një deklarate që ky i fundit bëri një ditë përpara zgjedhjeve parlamentare të 11 majit, ku përshkroi një rast të shpërndarjes së parave për blerjen e votave në favor të Partisë Socialiste. Kjo akuzë ka qenë në qendër të shqyrtimit, por paaftësia e palëve për të qenë të pranishëm në gjykatë rezultoi fatale për procesin.
Me këtë vendim, gjykata ka përfunduar një rast që kishte krijuar mjaft debat dhe spekulime në publik, lidhur me proceset zgjedhore dhe akuzat për korrupsion dhe ndikim politik. Tashmë, çështja e Xhelal Mziut është mbyllur në Gjykatën e Posaçme, duke lënë të hapura dyshimet për legjitimitetin e akuzave dhe për mënyrat e veprimit të autoriteteve gjatë fushatave zgjedhore.
