FIER- Një konflikt mes disa personash në Fier ka agravuar deri në përdorimin e sëpatës. Në lidhje me ngjarjen është vënë në pranga 63-vjeçari, Pashuk Paluca ndërsa është shpallur në kërkim i biri, Ndue Paluca.
Babë e bir dyshohet se gjatë një konflikti për motive të dobëta kanë goditur me sëpatë një 58-vjeçar me inicialet Ll. M. Ai ndodhet në spital nën kujdesin e mjekëve. Policia ka sekuestruar sëpatën ndërsa vijon puna për kapjen e 40-vjeçarit të shpallur në kërkim.
“Paraditen e djeshme, njoftohemi se në fshatin Shtyllas, është plagosur me mjet prerës një shtetas. Menjëherë pas njoftimit të marrë, shërbimet e Komisariatit të Policisë Fier kanë shkuar në vendngjarje dhe falë reagimit në kohë kapën dhe shoqëruan një nga autorët e dyshuar.
Shtetasi P. P. dhe djali i tij, shtetasi N. P., dyshohet se gjatë një konflikti për motive të dobëta, kanë goditur me mjet prerës (sopatë), shtetasin Ll. M., 58 vjeç, i cili ndodhet në spital nën kujdesin e mjekëve.
Në përfundim të veprimeve procedurale, specialistët e Seksionit për Hetimin e Krimeve Kundër Personit bënë arrestimin në flagrancë të shtetasit P. P., 63 vjeç, për veprën penale “Vrasje me paramendim”, e kryer në bashkëpunim, e mbetur në tentativë. Po punohet intensivisht për kapjen e djalit të tij, shtetasit N. P., 40 vjeç, banues në fshatin Shtyllas.
U sekuestrua në cilësinë e provës materiale mjeti prerës (sopatë), me të cilën autorët goditën 58-vjeçarin. Materialet i kaluan për veprime të mëtejshme Prokurorisë pranë Gjykatë së Shkallës së Parë të Juridiksionit të Përgjithshëm Fier,” thuhet në njoftimin e policiësë.
