Përfaqësuesit e Marc Guehi-t kanë zhvilluar bisedime me drejtuesit e Bayern Munich për një kalim të mundshëm të mbrojtësit anglez nga Crystal Palace në verën e ardhshme. Guehi ka shprehur vendosmërinë për t’u larguar nga Selhurst Park, pas një transferimi të dështuar te Liverpool gjatë verës, që u ndal në ditën e fundit të afatit kalimtar. Trajneri i Crystal Palace, Oliver Glasner, ka konfirmuar se lojtari nuk planifikon të rinovojë kontratën, e cila skadon në vitin 2026.
Sipas raporteve, Bayern Munich po ndjek nga afër situatën e Guehi-t dhe ka patur takime të fundit mes drejtorit sportiv Max Eberl dhe agjentit Gordon Stipic në Mynih. Bayerni po kërkon forcimin e mbrojtjes së tij, sidomos pas mundësive të largimit të lojtarrëve si Dayot Upamecano ose Kim Min-Jae. Megjithatë, ata do të përballen me konkurrencë të fortë nga Liverpool, i cili është ende i interesuar për Guehi-n, si dhe nga Real Madrid, i cili gjithashtu e ka përfshirë në listën e dëshirave.
Në rast se transferimi i Guehi-t nuk realizohet, Bayern ka si alternativë mbrojtësin e Borussia Dortmund, Nico Schlotterbeck. Interesimi për Guehi-n është rritur gjatë vitit të fundit, veçanërisht pas fitores historike të Crystal Palace në finalen e Kupës FA ndaj Manchester City. Newcastle dhe Liverpool kanë bërë përpjekje për ta transferuar atë, përfshirë një ofertë prej 65 milionë paundësh nga Newcastle në janar, që u refuzua nga Crystal Palace.
Guehi po kalon një periudhë të shkëlqyer në karrierën e tij dhe duket se e ardhmja e tij në Premier League është e përcaktuar, me disa klubet europiane që e ndjekin me vëmendje.
