Të paktën 19 persona kanë humbur jetën pasi një aeroplan civil është rrëzuar në Liqenin Victoria në Tanzani, këtë të dielë.
Sipas autoriteteve lokale, 26 persona nga 43 që ndodheshin në bordin e avionit të “Precision Airlines” janë shpëtuar dhe dërguar në spital.
Dy pilotët i mbijetuan rrëzimit, dhe arritën të kontaktojnë me autoritetet lokale duke kërkuar ndihmë, por dyshimet janë se ata mund të kenë humbur jetën më pas për shkak të mbushjes së kabinës me ujë.
Një gazetë lokale raporton se peshkatarët vendas i janë bashkuar forcave të emergjencave në përpjekje për të shpëtuar persona të tjerë që mund të kenë mbetur të bllokuar brenda aeroplanit.
Menjëherë pas përplasjes, aeroplani nisi të fundosej. “Precision Air” është kompania më e madhe ajrore e Tanzanisë, e themeluar në vitin 1993.
