Protestë dhe përplasje mes banorëve të fshatit Dukat në Vlorë me rojet e një firme që ka nisur punimet për devijimin e tubacioneve të ujit të pijshëm.
Banorët thonë se projekti që ka mbështetjen edhe të Njësisë Administrative është nxitur nga biznesmeni Samir Mane për të çuar ujin në resortet e Palasës.
Prej një jave Dukati ka ujë në sasi të vogël dhe tri ditët e fundit është ndërprerë për shkak të devijimit.
Banorët u ankuan se administratori i Orikumit dhe kryeplaku i fshatit kanë bërë marrëveshje të fshehtë dhe se ata buk do të lejojnë devijimin e burimeve ujore që janë të mjaftueshme vetëm për fshatin.
Në ditët në vijim pritet që të bllokohen edhe tyneli i Llogarasë.
Adriatik Lapaj ka sulmuar biznesmenin Samir Mane se punonjesit e tij kane dhunuar banoret e fshatit Dukat ne perpjekje per ti marr ujin e pijshem.
Statusi i Adriatik Lapaj:
Samir Mane, deri sot nuk të kam përmendur kurrë, pasi nuk më rezultoje i ngatërruar në tendera publikë.
Unë sot po të drejtohem në vetë të parë, me emër e mbiemër, sepse punonjësit e tu kanë dhunuar banorët e fshatit Dukat për t’u marrë ujin. Kjo është vijë e kuqe dhe askush nuk duhet t’ia lejojë vetes ta kalojë.
Ti nuk mund të mendosh se, meqë ke para, mund të sillesh si pronar i Republikës. Tërhiqu nga Dukati! Mos e vazhdo atë aventurë! Ujin për banorët e kompleksit tënd gjeje ku të duash! Ta mendoje kur e ndërtove dhe e shite sa frëngu pulën.
