Një studim i Universitetit të Kembrixhit ka identifikuar pesë faza të dukshme të zhvillimit të trurit njerëzor gjatë jetës, duke evidentuar pika kyçe të ndryshimit në moshat 9, 32, 66 dhe 83 vjeç, për të theksuar se adoleshenca zgjat deri në fillim të të 30-ave. Kjo analizë është mbështetur në rreth 4,000 skanime të trurit nga individë deri në 90 vjeç.
Studimi tregon se truri ruan karakteristikat e adoleshencës për më shumë kohë nga sa ishte menduar. Ndryshimi më i madh ndodh në moshën 9 vjeçare, kur truri kalon në një fazë të rritjes së efikasitetit të lidhjeve neuronale, që vazhdon deri rreth moshës 32 vjeçare. Dr. Alexa Mousley thekson se kjo periudhë është momenti kur rrjeti i neuroneve arrin efikasitetin maksimum, duke shënuar kulmin e funksioneve të trurit.
Katër fazat e tjera përfshijnë:
-
Fëmijëria (0–9 vjeç): Truri zhvillohet me një ritëm të shpejtë dhe heq lidhjet e tepërta, duke funksionuar në mënyrë të paqëndrueshme.
-
Adoleshenca (9–32 vjeç): Perioda me efikasitet të lartë të lidhjeve neuronale, por gjithashtu me rrezik të rritur për çrregullime të shëndetit mendor.
-
Mosha e rritur (32–66 vjeç): Stabiliteti është i dukshëm, me ndryshime të ngadalta ndërsa efikasiteti fillon të bjerë gradualisht.
-
Plakja e hershme (66–83 vjeç): Truri ndahet në nën-rjete më të pavarura, me shfaqjen e faktorëve risku si demenca dhe hipertensioni.
-
Plakja e vonë (83+ vjeç): Procesi i plakjes intensifikohet, megjithatë informacioni për këtë grupmoshë është më i kufizuar.
Kuptimi i këtyre fazave ndihmon në shpjegimin e ndryshimeve në rrezikun për çrregullime të shëndetit mendor, probleme neurologjike dhe rënie kognitive gjatë periudhave të ndryshme të jetës.
