Pas një eksperiencë të suksesshme në Serie A, Tammy Abraham ka transferuar te Besiktas, ku aktualisht është duke luajtur në fazën kualifikuese të Europa League. Gjatë kohës që ndodhej në Stamboll, ai mori një lajm tronditës: shtëpia e tij në Londër është grabitur. Futbollisti ndoqi ngjarjen përmes një aplikacioni sigurie dhe kamerave të vëzhgimit të vendosura në shtëpi. Në një postim në Instagram, ai ndau një video ku duken grabitësit duke ikur dhe shkroi: “Një grup hajdutësh erdhi dhe më grabiti shtëpinë para disa ditësh, duke marrë disa sende me vlerë. Falë Zotit familja ime është mirë”.
Abraham bëri thirrje për ndihmë, duke kërkuar informacion nga ata që mund të dinin diçka rreth ngjarjes. Sipas raportimeve të “The Sun”, ai u alarmua nga sistemi i sigurisë për një hyrje të paautorizuar dhe lidhja me kamerat e vëzhgimit i tregoi tre persona me kapuç që po hynin në pronë. Në video, grabitësit duken duke ecur nëpër kopsht dhe duke marrë një objekt të rëndë që nuk është identifikuar. Më pas, Abraham telefonoi policinë, por kur forcat e rendit mbërritën, grabitësit kishin ikur.
Ky incident vjen në një moment të rëndësishëm për Abraham, i cili sapo ka debutuar me Besiktas dhe po përgatitet për një ndeshje vendimtare ndaj Shakhtar Donetsk, pas humbjes 4-2 në ndeshjen e parë.
