Aaron Ramsey, ish-mesfushori i Arsenalit dhe aktualisht i Pumas, po përjeton një periudhë të vështirë në Meksikë me zhdukjen e qenushes së tij, Halo. Qenushja e racës beagle, 10 vjeçare, mungon që nga data 9 tetor dhe Ramsey nuk ka humbur shpresat për ta gjetur atë. Ai ka ofruar një shpërblim prej 10 mijë dollarëve për informacion të besueshëm që mund të çojë në gjetjen e Halos ose për ato që do ta dërgojnë atje.
Halo u zhduk në San Miguel de Allende, dhe menjëherë pasi futbollisti e bëri publik këtë informacion në rrjetet sociale, shumë vullnetarë dhe banorë lokalë u angazhuan për ta ndihmuar në kërkimin e saj. Rreth qytetit janë vendosur pankarta dhe manifesto që i bëjnë thirrje komunitetit të kontribuojë në këtë çështje. Ramsey theksoi në postimet e tij se Halo ka nevojë për kura speciale, duke e ndjerë mungesën e saj edhe më shumë.
Bashkëshortja e tij, Colleen, gjithashtu ka bërë thirrje në rrjetet sociale për ndihmë në gjetjen e qenushes. Një nga postimet më emocionuese të Ramsey tregon një foto me Halon, ku ai shprehet se do të bënte gjithçka për ta përqafuar sërish. Edhe pse mundësitë për gjetjen e Halos janë të pakta, Ramsey mbetet i vendosur dhe shpreson se do të zbulojë të vërtetën rreth fatit të saj.
