Agjencia e Administrimit të Pasurive të Sekuestruara dhe të Konfiskuara (AAPSK) ka filluar vitin 2026 duke vijuar praktikën e vënies së pasurive të sekuestruara në shërbim të interest publik. Kryeadministratorja e AAPSK, Risena Xhaja, së fundmi zhvilloi një vizitë në një spital privat, i cili ndodhet nën hetim nga Prokuroria e Tiranës dhe mbi të cilin është vendosur masa e sekuestros preventive.
Me miratimin e prokurorit, AAPSK ka filluar identifikimin dhe shpërndarjen e pajisjeve mjekësore të këtij spitali, duke i ofruar ato Ministrisë së Shëndetësisë, për t’u shpërndarë më tej në qendrat spitalore. Pajisjet do të përdoren nga Spitali Universitar QSUT dhe disa spitale rajonale, sipas nevojave lokale.
Gjatë vizitës, Xhaja theksoi rëndësinë e kësaj praktike, duke theksuar se ajo përbën një rutinë për AAPSK-në, e cila angazhohet për të shfrytëzuar pasuritë e konfiskuara në shërbim të institucioneve shtetërore dhe shoqërisë civile. Ajo theksoi se synimi i këtij veprimi është përmirësimi i shërbimeve shëndetësore dhe forcimi i kapaciteteve të sistemit publik.
AAPSK vazhdon të angazhohet për administrimin e përgjegjshëm dhe transparent të pasurive të sekuestruara, me qëllim shndërrimin e tyre në mjete që shërbejnë për mirëqenien e qytetarëve. Ky veprim kontribuon drejt ofrimit të shërbimeve mjekësore më cilësore dhe efektive në një kohë kur infrastruktura shëndetësore është më e nevojshme se kurrë.
