Dalin detaje të reja nga dosja e inceneratorit të Tiranës. Prokuroria e Posaçme ka lëshuar 9 urdhër-arreste, mes tyre për Denisa Tollkuçin, eksperte e kompanisë “Albtech”, Dashamir Ymerajn biznesmen, Renardo Nallbanin, një nga drejtuesit e biznesit të inceneratorëve, biznesmenin Ilir Dedja, gazetarin Endrit Habilaj dhe disa të huaj.
Ndaj tyre janë ngritur akuzat ‘pastrim i parave’ dhe grup i strukturuar kriminal’ por deri tani nuk ka asnjë informacion nga SPAK apo policia nëse ka të arrestuar.
Nga gjyqtarja Irena Gjoka, me kërkesë të prokurorit Dritan Prenci janë firmosur dhe disa masa kontrolli, por ende nuk ka informacion nga SPAK-u.
Inceneratori i Tiranës është sekuestruar nga SPAK në verën e vitit 2023, pasi rezultoi se kompania, e cila fitoi koncesionin për ndërtimin e inceneratorit me vlerë 128 milionë euro ka si pronarë biznesmenët Mirel Mërtiri e Klodian Zoto.
