Propozim për himnin e flamurit të
Shtetit Islam Sovran të Urdhrit Bektashian
Pas plasjes së tymnanjës groteske të lajmit për projektin e një enklave fetare brenda shtetit i quajtur “Shteti Sovran i Urdhrit Bektashi”, përpiqem të dal nga absurdi. Nga një anë nuk u çudita pasi përgatitjet dukeshin se kishin kohë që ishin programuar, pasi edhe rezultati i CENSIt doli me një rezultat si i rregulluar enkas për këtë punë, i cili nuk përputhet me realitetin.
Duke e parë me kujdes, dy gjëra më fusin në mendime:
E para, më kujton një shprehje popullore, kur pyetet dikush për gjendjen e tij dhe ai të përgjigjet “më mirë prishet”. Situata e harmonisë sonë fetare është në nivele të shkëlqyera dhe është parë me interes nga të huajt, ku ka shumë studime ku përpiqen të kuptojnë dinamikat. Në këtë rast, ndërhyrja e qeverisë, i cila i përmbahet parimit të laicitetit, të promovojë apo të mbështesi një komunitet fetar të caktuar, normalisht prish balancat dhe rrezikon stabilitetin e harmonisë ndërfetare.
E dyta, një komunitet fetar, i cili vuan historikisht për klerikë fetare dhe mezi mbulon nevojat e veta, i bashkohet një projekti për krijimin e një minishteti. A thua po flasim për një komunitet fetare që numëron miljona. Madje do të quhet shtet Islam, do të lejojë alkoolin (për kazinotë dhe klubet e natës nuk është thënë gjë aktualisht), do të lejojë gratë të veshin çfarë të duan dhe të mos vendosin rregulla të stilit të jetesës si dhe të gjitha vendimet do të merren me dashuri dhe mirësi.
Interesante, duket si projekti i një “Sin City”, jo i një enklave fetare. Pasi vendimet e shtetit apo të fesë, kanë përgjegjësi dhe nuk meren me aq dashuri dhe mirësi.
Meqë ra fjala te Islami, parimet Islame etj. dhe minishteti me këto rregulla, se di ku do bashkohen këto dy vija paralele. Të huajt që do ta vizitojnë i bie të gajasen me këtë minishtet Islam, pasi qënia e Islamit i bie si ajo historia e gjarprit të Irlandës.
Gjithsesi, në këtë vend janë diskutuar tema delikate si kinezçja-gjuhë e dytë, arsimi fetar nëpër shkolla dhe asnjë nuk është realizuar. Thjesht është harxhuar kohë me debate dhe në fund asgjë. Është shpejt ta parashikojmë nëse edhe ky projekt do të realizohet apo jo. Por, nëse absurdi mer formë dhe Shteti Islam Sovran i Urdhrit Bektashian do të realizohet, normalisht ka nevojë edhe për një himn flamuri. Që mos lodhen duke kërkuar, propozoj betimin e jeniçerëve “Bismishah Allah-allah” si tekst të himnit dhe muzikën e cila është gati, nga fragmenti i telenovelës “Sulejmani i Madhërishëm”.
