Koment nga Timoni.al
Porti i Durrësit, pika më e rëndësishme detare e Shqipërisë, është kthyer në një nyje kyçe për kalimin e kokainës nga Amerika Latine drejt Europës. Ky trafik i organizuar nuk mund të realizohej pa mbështetje dhe leje nga nivelet më të larta shtetërore. Në këtë kontekst, emrat që dalin në pah janë Belinda Balluku, zv.kryeministre dhe ministre e Infrastrukturës dhe Energjisë, dhe Pirro Vengu, ish-drejtor i Autoritetit Portual Durrës dhe aktualisht ministër i Mbrojtjes.
Pirro Vengu ka mbajtur postin e drejtorit të Portit të Durrësit nga viti 2019 deri në vitin 2024, kur u zgjodh ministër i Mbrojtjes. Gjatë kësaj periudhe, porti ka qenë një pikë kalimi për ngarkesa të mëdha droge, të maskuara si produkte legjitime, si bananet. Një rast i tillë ishte kalimi i 119 kg kokainë në janar 2022, pa u sinjalizuar nga skaneri i portit. Ky incident tregon se skaneri mund të ketë qenë i manipuluar ose i paaftë për të zbuluar ngarkesat e paligjshme. Nëse droga nuk do të ishte zbuluar aksidentalisht në Vaqarr, askush nuk do të kishte marrë vesh për këtë dështim të rëndë.
Belinda Balluku ka qenë ministre e Infrastrukturës dhe Energjisë dhe zv.kryeministre gjatë periudhës që Pirro Vengu ka drejtuar Portin e Durrësit. Si ministre e linjës, ajo ka pasur përgjegjësi direkte për menaxhimin e portit dhe për emërimet e drejtorëve të tij. Është e pamundur që Pirro Vengu të ketë vepruar në mënyrë të pavarur pa bekimin dhe mbështetje politike nga Balluku. Kjo lidhje ngre dyshime të forta se Balluku ka qenë pjesë e një rrjeti të strukturuar kriminal që lejon kalimin e kokainës përmes portit.
Hetimet e mundshme nga DEA
Ka dyshime të forta se DEA (Administrata e Drogës e SHBA) mund të jetë duke hetuar Belinda Ballukun dhe Pirro Vengun për rolin e tyre në trafikun e kokainës përmes Portit të Durrësit. Nëse këto hetime janë të vërteta, kjo do të ishte një goditje e rëndë për strukturat shtetërore që mbështesin krimin e organizuar. Është e domosdoshme që autoritetet ndërkombëtare të ndërhyjnë dhe të sigurojnë që drejtësia të vihet në vend.
Nëse hetimet e DEA janë të vërteta, është e nevojshme që SPAK (Prokuroria e Posaçme Kundër Korrupsionit dhe Krimit të Organizuar) të ndërhyjë menjëherë dhe të hetojë lidhjet e mundshme të Belinda Ballukut dhe Pirro Vengut me trafikun e kokainës. Përgjegjësia e tyre është e qartë dhe nuk mund të mbulohet më. Nëse shteti shqiptar nuk vepron, është e domosdoshme që autoritetet ndërkombëtare, si DEA, të ndërhyjnë dhe të sigurojnë që drejtësia të vihet në vend.
Belinda Balluku dhe Pirro Vengu duhet të mbajnë përgjegjësi për veprimet e tyre dhe të përballen me pasojat ligjore. Nëse ata janë të përfshirë në trafikun e kokainës, kjo është një tradhti ndaj shtetit dhe qytetarëve shqiptarë. Është koha që drejtësia të triumfojë dhe të pastruar Shqipërinë nga korrupsioni dhe krimi i organizuar që e ka kapur.
Ndonëse dikur në Portin e Durrësit kapeshin qindra arka me banane të mbushura me kokainë, prej tre vitesh policia shqiptare nuk ka kapur asnjë sasi të madhe droge në këtë pikë kyçe.
Në letër, gjithçka duket “nën kontroll”, por faktet, dosjet dhe reagimet ndërkombëtare tregojnë të kundërtën. Sinjali më i fundit vjen pikërisht nga Uashingtoni.
Ambasada Amerikane në Tiranë njoftoi zyrtarisht sot se linja e sinjalizimit të DEA-s (Agjencia amerikane kundër drogës) është vënë në dispozicion të qytetarëve shqiptarë.
Në “WhatsApp” dhe imejl, DEA kërkon që çdo individ që ka informacion për trafik droge apo pastrim parash, të bashkëpunojë direkt me agjentët e saj, por pse tani?
“Linja e sinjalizimit të Agjencisë së ShBA Kundër Narkotikëve është aktive. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në WhatsApp në: +1 571 502-7846 ose me email në: [email protected]. Të gjitha të dhënat do të mbahen të fshehta. Falënderimet tona për të gjithë ata individë që kanë dorëzuar të dhëna të besueshme që kanë mbështetur operacionet e DEA-s.
Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me të, me qëllim mbrojtjen e qytetarëve të të dy vendeve tona dhe parandalimin e hyrjes së drogave të paligjshme në Shtetet e Bashkuara”, thuhet në njoftimin e Ambasadës.
Reagimi i fundit vjen pas një operacioni të përbashkët mes autoriteteve shqiptare dhe Antimafies italiane në Durrës, që ekspozoi edhe një herë rolin kyç të këtij porti në trafikun ndërkombëtar të drogës. Sipas dosjeve italiane, tonelata kokaine kanë hyrë përmes Durrësit, ndërsa emra si “Visi i Pojës” përmenden si figura të rëndësishme të trafikut. Megjithatë, që nga viti 2022 nuk është kapur asnjë sasi e madhe droge, duke ngritur dyshime serioze për mungesë vullneti apo paaftësi institucionale.
SHBA, përmes DEA-s dhe deklaratave të zyrtarëve të Antimafies, po shfaq një mungesë të dukshme besimi ndaj institucioneve shqiptare, duke sinjalizuar se disa segmente të policisë janë të lidhura me rrjetet kriminale. Kjo ka çuar në një thirrje të drejtpërdrejtë për bashkëpunim me qytetarët, jashtë kanaleve zyrtare, si një formë denoncimi paralel. Mesazhi është i prerë: rrjetet e trafikut të drogës janë ende aktive dhe të mbrojtura, veçanërisht në boshtin Tiranë-Durrës.
