Edhe këtë të martë kryeministri Edi Rama kishte një dalje në rubrikën e tij “Sy m’sy” në Facebook.
Një komentues e pyeti Ramën, duke i thënë: “A e kaloni dot oqeanin?”
Ky ishte një referim te shprehja e famshme e Ramës për Berishën: “A e kalon dot oqeanin?”
Përgjigjia e Ramës ishte: “Mos ma qaj hallin fare, oqeanin e kaloj sa herë të dua. Edhe për t’u takuar me të gjithë atje që janë në anën e shtetit amerikan, edhe për të shkuar për të parë ndeshje basketbolli. Pa merak, rri i qetë. Pyet të tjerët”
Një komentues i rikujtoi Ramës çështjen e non grades së Berishës. Rama u shpreh se për të, non grada ishte turp, por gjithsesi duhet pritur për ta parë se çfarë do të ndodhë.
“Non gratën e kam konsideruar një turp të madh kombëtar, për të gjithë Shqipërinë dhe për mua. Sikur të mos kishte ndodhur, do të kishte qenë 100 herë më mirë për të gjithë. Por kjo histori, që do të hiqej në janar, shkurt, mars apo prill, duhet të shohim si do shkojë. Mos më qani hallin mua,” tha ai.
Në fund, ai shtoi: “Edhe Lulin do merrem, sepse e kam zemër.”
