TIRANË- Kryetari i PD-së, Sali Berisha është pyetur në daljen për mediat nëse do ta pranojë rezultatin nëse fiton Partia Socialiste. Berisha tha se pret rezultatin përfundimtar të votimeve. Berisha tha se në konferencën e sotme ka dalë për të treguar përpjekjet antiligjore të bëra sipas tij, në të katër anët e vendit.
Berisha: Unë nuk bëj ashtu, unë pres sovranin… Unë jam këtu për të paraqitur para jush dhe publikut ato që ndodhin. Dhe ne gjatë gjithë ditës kemi dokumentuar me përgjegjësi të plotë të gjitha përpjekjet antiligjore të bëra në të katër anët e vendit. Por të dërgosh banda për të rrethuar KZAZ-të është një përpjekje flagrante për të ndikuar në rezultatin, por kjo nuk do ndodhë sepse komisionerët tanë kanë marrë udhëzime të qarta dhe të prera. Përgjegjësia për të gjitha këto është e Edi Ramës.
