Në orën 11:00 të ditës së sotme do të mbahet seanca ndaj ish-kryeministrit Sali Berisha ndaj të cilit rëndon akuza e korrupsionit pasiv në dosjen “Partizani”.
Kjo seancë do të mbahej dje por u shty nga gjyqtarët për të marrë më shumë kohë mbi shqyrtimin e provave.
SPAK ka kërkuar ashpërsim të masës së sigurisë nga detyrim me paraqitje në arrest shtëpie me mbikëqyrje policore.
Gjithashtu në seancën parlamentare të datës 21 dhjetor, Kuvendi i hapi rrugë SPAK për arrestimin e Berishës, duke votuar heqjen e imunitetit të tij si deputet.
