Të tjera detaje kanë dalë në dritë nga vdekja misterioze e një 18-vjeçari në Korçë, në orët e para të mëngjesit të sotëm.
I riu kishte shkuar të festonte me 7 shokët e tij, dhe kishin marrë një hyrje me qera në një pallat në lagjes nr.7, dhe në rrethana ende të pazbardhura është hedhur nga kati i tetë dhe ka humbur jetën.
Shokët e viktimës kanë deklaruar se të gjithë kanë qenë në gjumë kur 18-vjeçari ka ndërmarrë aktin e rëndë.
Ata shprehen se nuk kanë ditur asgjë çfarë ka ndodhur për shkak se kanë konsumuar alkool dhe kanë qenë në gjendje të dehur pas festimeve në një lokal nate në Korçë, por deri më tani këto janë vetëm dëshmi pasi ngjarja vijon të jetë në hetim nga policia.
Ndërkohë ka dyshime se 18-vjeçari ka konsumuar edhe lëndë narkotike dhe në gjendje të rënduar është hedhur nga tarraca e pallatit.
“Më datë 25.12.2023, rreth orës 03:50, në lagjen nr. 17, Korçë, në trotuar, është gjetur i pajetë shtetasi G. M., 18 vjeç, banues në Durrës. Nga hetimet e para dyshohet se ky shtetas nën efektin e pijeve alkoolike, mund të jetë vetëhedhur nga tarraca e një pallati, në të cilin 18-vjeçari së bashku me disa shokë të tjerë kishin marrë me qera ditore, një hyrje apartamenti në katin e tetë (të fundit) të tij.“- njoftoi më herët policia
