Vetëm dy ditë nga zgjedhjet paralamentare, presidenti i Serbisë, Aleksandër Vuçiç, mbrëmjen e djeshme, ka qenë i ftuar në RTS, i cili ka përmbledhur rezultatet e zgjedhjeve që sipas tij, janë të shkëlqyera për SNS-në që ai e udhëheq.
“Së bashku i’a ndryshuam fytyrën Serbisë”, tha Vuçiç në fillim të kësaj dalje televizive.
Ai thekson se kushdo që ofron politikë, jo urrejtje, mund të vijë në pushtet në Serbi.
Vuçiç nga 1 janari me optimizëm, njoftoi se dalëngadalë po shkon drejt rritjes së re të pagave dhe pensioneve për qytetarët.
“Ne kurrë nuk do t’i japim Kosovës qasje në OKB”, tha Vuçiç.
Vuçiç u kërkoi falje të gjithë atyre që erdhën nga entitetet e Republika Srpska për të votuar.
Ai tha se “ata kanë të drejtë të votojnë në Beograd në bazë të ligjit për dyshtetësinë që është miratuar”, siç thotë ai, kur në pushtet ishin ata që e kritikojnë tani.
Gjithashtu, presidenti Serbisë tha se SNS ka një udhëheqje të re, por se disa gjëra “duhen parë”.
Ndër të tjera ai shprehet se; çfarë duhet të ndodhë që zgjedhjet në kryeqytetin serb të përsëriten.
Lista lokale ka marrë 5, 6 dhe 7 pikë indeks më pak se lista republikane ‘Serbia nuk duhet të qëndrojë në vend’, paralajmëroi Vuçiç.
Ai thotë se listës “Serbia nuk duhet të ndalet” i ka kushtuar rreth 100 mijë vota.
“Kemi pasur zgjedhje të ndershme, të cilat janë rezultat i fushatës, punës serioze dhe asaj që i kemi ofruar qytetarëve… Qytetarët e kuptuan dhe treguan se duan siguri dhe stabilitet, prandaj i falënderojmë shumë për këtë pjesëmarrje”, tha Vuçiç.
Po ashtu, tha se nëse Branimir Nestoroviç nuk përkrah asnjë parti, atëherë do të mbahen zgjedhje të reja në Beograd.
