Kush e pagoi Sokol Mjacajn për të kryer vrasjen e Arben Lleshit? Ky është misteri që prokuroria po punon për ta zbardhur. Sot në gjyq doli vrasësi dhe 12 zyrtarët e tjerë të arrestuar.
Në dosjen drejtuar gjykatës i dënuari që mbeti i plagosur Indrit Shaqja ka dhënë një dëshmi mjaft të rëndësishme.
Ai ka thënë se tre muaj para vrasjes, Arben Lleshi ka marrë një letër anonime në të cilën shkruhej se do të paguanin 200 mijë euro për kokën e tij.
“Një anonim i ka dërguar letër Arben Lleshit tek dhoma duke e paralajmëruar se për kokën e tij do të paguanin 200 mijë euro” thuhet në dosje, bazuar te dëshmia e tij.
