Gazetari Aldo Kozarja është shprehur se autori i vrasjes së Arben Lleshit në burgun e Peqinit, Sokol Mjacaj, është transferuar në burgun e Fierit.
Përmes një lidhjeje me emisionin “Review” në Euronews Albania, Kozarja është shprehur se transferimi i Mjacajt në burgun e Fierit ka ardhur për arsye sigurie.
Ai tha se në momentin që Mjacaj ka pasur armën në dorë, ka kërcënuar disa të burgosur të tjerë dhe më pas ka patur dëbate dhe kërcënime nga ana e tyre, gjë që ka çuar në transferimin e tij.
“Sokol Mjacaj është transferuar nga Burgu i Peqinit në drejtim të Burgut të Fierit për arsye sigurie, sepse ka pasur tentative pas ngjarjes që të burgosurit e tjerë që ai ka kanosur me armë, ka pasur debate pas asaj situate. Por edhe në Fier duke qëndruar në një qeli i vetëm. Burgu i Fierit ësht ënjë burg i sigurisë të lartë dhe ka të gjitha kushtet që ka ai i Peqinit”, është shprehur Kozaria.
