Kreu i Prokurorisë Themelore Publike në Shkup, Gavril Bubevski, tha se aktualisht janë duke u shqyrtuar provat materiale në lidhje me hetimin e vrasjes së Vanjës nga Shkupi dhe Pançe Zhezovskit nga Velesi, të cilat përputhen me deklaratat e të dyshuarve që ndodhen në kujdestarinë.
“Për sa i përket veprimeve, hetimi është në nivelin që ju thashë herën e kaluar dhe po shqyrtohen provat materiale. Mund t’ju them vetëm se provat fizike përputhen me atë që kanë thënë të dyshuarit. Kjo është ajo”, tha Bubevski.
Ai nuk ka dashur të japë një përgjigje konkrete nëse motivi i vrasjes mbetet i njëjtë – interesi personal financiar, njofton Skopje1.
Njëra nga provat materiale kryesore, bashkë me faktet tjera që do të dalin nga materiali dëshmues, do të thuhet në aktakuzë.
Prokuroria e Shkupit thotë se gjithçka që mund të zbulojë detajet dhe motivet e krimit monstruoz është “nën vëzhgim”.
