Analisti Artur Zheji ka deklaruar se para Kongresit të Partisë Socialiste, kryeministri Edi Rama po shqyrton mundësinë e zgjedhjeve të parakohshme.
Sipas analistit, nje grup me influencë pranë kreut të qeverisë i ka bërë propozimin e zgjedhjeve të parakohshme.
“Sipas informacionit që unë kam, ndoshta deri nga mesnata ose deri në orët e para të mëngjesit, dy korrente po përplasen në Partinë Socialiste. Janë dy grupime të njerëzve me influencë pranë zotit Rama dhe kanë vëmendjen e tij. Një grupim i thotë se duhet të bëhen zgjedhje të parakohshme, sepse kemi disa indicie për 1, 2, 3, 4, 5… ministra të tjerë, të cilët janë thjesht në shenjestrën e SPAK-ut, por në dojet e SPAK-ut. Ose mund të qëllojë që pas këtij kongresi të zakonshëm, në zhvillimin e zakonshëm të mandatit, të shkarkohen disa ministra të tjerë“, tha Zheji.
Kujtojmë që dy ditë më parë Edi Rama mohoi në mënyrë kategorike zhvillimin e zgjedhjeve të parakohshme duke theksuar se qytetarët do t’i drejtohen kutive të votimit në vitin 2025.
