Naim Murseli dhe Granit Plava janë arrestuar sot nga Policia e Kosovës, nën dyshimin se të njëjtit kanë bashkëpunuar për vrasjen e Liridona Murselit.
Liridona u vra mbrëmjen e së mërkurës, nga një person që u paraqit si grabitës dhe kërkoi para nga familja Murseli, e cila po kthehej me makinë në shtëpi.
Naim Murseli kishte deklaruar në polici atë natë se grabitësi kërkoi nga ta para, e më pas urdhëroi Naimin të largonte fëmijët nga vetura, ku më pas dyshohet të ketë vrarë Liridonën.
Megjithatë, grabitësi Granit Plava ka pranuar sot përpara policisë se ai ka kryer veprën në fjalë dhe se për të bërë këtë akt kriminal ishte urdhëruar nga vet Naimi.
Mediat në Kosovë shkruajnë se Naim Murseli është dakorduar me Granitin që për 30 mijë euro “të kryhet kjo punë”.
Pamje të kamerave që dëshmojnë takimet mes tyre janë konfiskuar nga policia.
Po ashtu mediat në Kosovës shkruajnë se Naim Murseli gjithashtu ka pranuar përpara policisë se është implikues i vrasjes së gruas së tij./Indeksonline
