Ndeshja e fundit për kombëtaren në këto kualifikuese për “Euro 2024”, ajo kundër Ishujve Faroe u mbyll me barazimin 0-0.
Pritshmëritë për një fitore të kuqezinjve e Silvinjos ishin të larta, por ata nuk arritën të dilnin në lojën e tyre, duke prodhuar shumë pak raste të rrezikshme në portën kundërshtare.
Në fund të ndeshjes, sipas faqes së specializuar të statistikave “Sofa Score”, lojtari me notën më të lartë renditet kapiteni Berat Gjimshiti, i cili është vlerësuar me 7.5, teksa pas tij vijnë menjëherë, Balliu, Ismajli dhe Asllani.
Ndërsa lojtarët më pak të vlerësuar, sipas “Sofa Score”, janë Daku, Muçi dhe Muçolli.
