Mbrëmjen e sotme është shpallur në kërkim Ervin Mata. Burime nga policia bëjnë me dije se djali i Erzen Breçanit ka pasur lidhe të forta në Ekuador me Ervin Matën dhe Ergys Dashin që mbeti vrarë pak kohë më parë në një atentat në Ekuador.
Ervin Mata është i dashuri i këngëtares së njohur Elvana Gjata. SPAK ka lëshuar në total 11 urdhër arreste edhe për Erzen Breçanin, djalin e tij të madh, si dhe shefin e krimeve në komisariatin nr. 6.
Prokuroria e Posaçme kundër Krimit të Organizuar dhe Korrupsionit arrestoi mbrëmjen e sotme 11 persona mes tyre, ish-zyrtarin e lartë të policisë, Erzen Breçani me djalin Eralbi Breçani dhe shefin e komisariatit nr. 6 në Tiranë, Dedan Gjoni.
Breçani dhe i biri paraprakisht dyshohet se akuzohen për përkrahje të autorit të krimit dhe pastrim parash. Mbi 11 të dyshuarit rëndojnë akuza për pastrim parash, grup i strukturuar kriminal, trafik droge, sigurim kushtesh për të kryer vrasje, shpërdorim detyre dhe përkrahje e autorit të krimit.
