Një ditë pasi zbriti në Rinas pas ekstradimit nga Franca, Behar Bajri doli në gjykatën e Posaçme për t’u njohur me masën e sigurisë arrest me burg që ishte vendosur në mungesë. Bajri do të përballet me 7 vepra penale, ndër më kryesoret “Grup i strukturuar kriminal” dhe “Vrasje me paramendim” në kuadër të dosjes “Metamorfoza”. Sot raportohet se nuk ka pranuar që të flasë në seancë.
Hetimet ndaj Bajrit dhe 14 të tjerëve të implikuar në dosjen “Metamorfoza” nisën që në vitin 2019, pas zbërthimit të rrjeteve “Sky” dhe “EnkroChat” nga vendet partnere, të cilat sollën në vendin tonë gjetjet e tyre.
Në këto komunikime, dilte se biznesmeni Pëllumb Gjoka pasi e liroi nga burgu nëpërmjet ryshfetit që i dha prokurorit Xhevahir Lita i kërkoi Behar Bajrit të vriste Keanth Musabelliun.
Emri i tij del edhe si porositës i vrasjes së Ibrahim Licit, Dorian Dulit dhe Genc Tafilit, krime të cilat nuk ndodhën.
