Kryekomsioneri i KQZ-së, Ilirjan Celibashi ka dalë sot në një konferencë për mediat në lidhje me procesin zgjedhor të 14 majit teksa u ndal edhe tek vota e diasporës.
Celibashi tha se partitë politike dhe Kuvendi duhet të vendosin tani në lidhje me votën e diasporës. Kjo pasi sipas tij do të jetë e pamundur që në zgjedhjet e 2025-ës, shqiptarët që jetojnë jashtë të votojnë.
Celibashi po ashtu u shpreh se për zgjedhjet e ardhshme ka nevojë që të angazhohen të gjithë, për të përmbushur edhe rekomandimet e OSBE/ODHIR.
‘Kuvendi dhe Partitë politike duhet të vendosin tani në lidhje me votën e diasporës. Jemi në dijeni të faktit të Gjykata Kushtetuese ka prodhuar një realitet të tillë që udhëzon Kuvendin në lidhje me këtë çështje. Nëse ky urdhërim i Gjykatës Kushtetuese nuk do të përmbushet, nuk hezitoj ta them që për zgjedhjet 2025 votuesit e diasporës nuk do të mund të votojnë atje ku kanë vendbanimin’– tha Celibashi.
