Avokati Detar Hysi që ka mbrojtur interesat e Laert Haxhiut ka dhënë dorëheqjen për përfaqësimin e tij.
Nuk dihen shkaqet dhe arsyet përse Hysi nuk do jetë më përfaqësues ligjor i Laert Haxhiut, ndaj të cilit këtë të enjte në Gjykatën e Posaçme, pritet të mbahet seanca për masakrën e Lushnjes, me dy të vrarë e dy të plagosur, ngjarje për të cilën 33-vjeçari akuzohet si organizori kryesor i saj.
Laert Haxhiu është i arrestuar në Greqi në pritje të vendimit të gjykatës për ekstradimin e tij drejt vendit tonë. Ai rezulton i dënuar me 18 vite burg për atentatin ndaj Xhulio Shkurtit tek komisariati i policisë në Lushnje në vitin 2016.
Ndërkohë është duke u gjykuar në SPAK për vrasjen Zamir Latifit dhe Jurgen Hoxhës, në vitin 2017. Edhe në këtë ngjarje shënjestër ishte Xhulio Shkurti, nipi i Aldo Barës.
