Gazetari Ferdinand Dervishi ka bërë deklarata të forta në lidhje me bashkëpuimin e bankave tregtare në Shqipëri me trafikantët ndërkombëtar të kokainës, e cila sipas tij kulmoi me vrasjen e një bankieri të njohur në Tiranë.
Dule folur për trafikimin e drogës, Dervishi zbardhi edhe detaje nga “karriera” e tij në këtë fushë duke shpjeguar fillimisht se këta persona kanë qenë pjestarë të Policisë së Shtetit, ndërkohë që merreshin me trafik droge.
Po ku lidhet çështja me bankat dhe me Shqipërinë? Në shpjegimin që bën gazetari, lajm që u la në hije qëllimisht me sa duket nga media shqiptare, ai flet për vrasjen e bankierit Artan Santo në mes të Tiranës në vitin 2014.
Sipas Dervishit, vrasja e të ndjerit Santo u urdhërua pikërisht pas kapjes në Mal të Zi të një sasie të mëdha kokaine të nisur nga Kolumbia me destinacion Shqipërinë, ndërkohë që personat kishin lënë si garanci një shumë të madhe parash në bankën Credins..
Sipas Dervishit, në momentin që u kap droga dhe kolumbianët nuk morën dot garancinë e lënë në bankën Credins, urdhërohet vrasjen e Santos në Tiranë.
Sipas tij, kjo ishte pista kryesore e hetimit të policisë në atë kohë. Madje, shton Dervishi, në një dalje publike, ministri i Brendshëm i asaj kohe, Saimir Tahiri deklaronte se “ishte një vrasje që duhej të dëgjohej larg (pra, në Kolumbi, sipas gazetarit).
Gazetari Dervishi:
Historia më e madhe ka qënë në vitin 2014 kur ka qënë operacioni në Lazarat. Ai ka qenë subject I DEA-s. në këtë periudhë kur policia ishte në Lazarat, DEA ndiqte nga ngarkesë droge rreth 250 kg kokainë dhe vendosin që të mos shkarkohet në Durrës, por në Mal të Zi. Aty kapet droga.
Në këtë histori ishin kolumbianët në mes, të cilët punonin me garanci. Nëse droga kapej trafikantët kishin lënë garanci në një bankë në Shqipëri një sasi diku te 2 milionë dollar që nëse kapej droga të mos dilnin me humbje.
Garancia ishte lënë në këtë periudhë, mqs DEA këmbënguli, ai kolumbiani që erdhi për të marrë paratë u arrestua në Durrës. Kolumbianët humbën dyfish, humbën drogën humbën dhe garancinë bankare.
Në këtë moment, është goditur prej këtij njeriu, dhe kjo ka qenë pista kyresore e policie, është goditur një bankier i njohur në mes të Tiranës. Kjo u bë për t’i thënë kolumbianëve që nuk jam në në mes, ja çfarë bëra. Në atë kohë doli minstri Tahiri dhe tha publikisht se ishte një vrasje që duhej të dëgjohej larg, pra në Kolumbi”.
Gazetari thotë se pas vrasjes së Santos, por edhe para, emëronte vetë shefat e komisariateve për zonën ku ai operonte.
“Ai ndërhynte përmes deputetëve apo kreystarëve të bashkive dhe të gjithë shefat e komisariatëve bashkëpunonin më këtë njeri nga halli apo nga malli. Ky shefi i fundit u dërgua me idene qëmund të mos bashkëpunonte, por doli që edhe ky u kompromentua”, u shpreh gazetari.
Deklaratat e gazetarit Dervishi në prime time në ekranin më të shikuar në Shqipëri, mbi kthimin e sistemit bankar në Shqipëri në një kasafortë të trafikantëve të drogës duhej të kishte vënë alarmin si në Bankën e Shqipërisë ashtu edhe në Drejtorinë e Pastrimit të Parave. Deri më tani asnjë nuk ka lëvizur gishtin për të verifikuar lëvizjet e parave në bankat e dyshuara se bëjnë kasafortën e trafikantëve apo merren me pastrim parash. (Timoni.al)
