Deputetët e opozitës kanë vijuar edhe ditën e sotme me betejën e tyre, ashtu si një ditë më parë ish-kryeministri Sali Berisha paralajëmroi.
Teksa sot do të mbahet Konferenca e Kryetarëve, deputetët e opozitës nuk lejojnë fillimin e mbledhjes. Kjo për shkak të përjashtimit të 6 deputetëve pas tensioneve në seancën plenare të ditës së hënë. Por gjithashtu edhe mos përmbushja e 3 kërkesave kryesore, si ngritja e disa komisioneve hetimore apo zgjedhja e përfaqësuesve për anëtarët e Komisionit të Reformës Zgjedhore.
Në mbledhjen e Konferencës së Kryetarëve, pritet të bëhet prezantimi i projektligjit “Për buxhetin e vitit 2024” nga Ministri i Financave dhe Ekonomisë, z. Ervin Mete.
Mazhoranca ndërkohë po kërkon një sallë alternative për të zhvilluar mbledhjen pa opozitën.
