Partia Socialiste po bën gati letrat për përjashtimin e 7 deputetëve të opozitës pas sherrit të së hënës pasdite në Parlament, ku pati edhe përleshje fizike mes deputetëve Bledion Nallbati dhe Vullnet Sinaj.
Kërkesa u dorëzua për Flamur Nokën, Gazmend Bardhin, Bledian Nallbatin, Edi Palokën, Albana Vokshin, Lefter Gështenjën dhe Saimir Korreshin.
Bledion Nallbati u përjashtua pasi tentoi të godiste me grusht deputetin socialist, teksa ky i fundit po mbante fjalën e tij.
“Nuk ia vlen që të merremi me diçka që nuk nderon askënd”, tha Nallbati sot, por pak minuta më pas sërish ishte protagonist në debatin dhe kaosin në komisionin e Ligjeve, që u ndërpre.
