Dramat në showbizin shqiptar duket se nuk do të kenë fund këtë vjeshtë. Së fundi është bërë virale një deklaratë e aktorit të Portokallisë Rezart Veleshnja, i cili pas 17 vitesh u largua nga emisioni i humorit, por duket se me shumë qejfmbetje. Veleshnja u shpreh se largimi i tij nga TCH u bë pa një dhënie dore, duke nënkuptuar një mosmarrëveshje me drejtuesit, por edhe kolegët e tij.
“Çezarit jepi hakun, në të kundërt i bie që nuk jemi artista”, deklaroi Veleshnja në MCN.
Por në të njëjtin emision, Veleshja ka thumbuar Salsano Rrapin nëpërmjet një zhapiku të futur në skenë.
“Është prezantues në spektakël humori. E ka emrin Sali. Saliu të lëpin gjatë gjithë kohës. Nuk të bën asgjë. Vetëm flet, të spiunon është si grua e keqe. Nuk të bën asgjë është frikacak. Kam punuar 17 vjet me Salin”, shprehet Rezarti duke lënë qartë të kuptohet se bëhet fjalë për Salsano Rrapin.
Po ashtu aktori tha se modeli i moderimit të Portokallisë është i vjetëruar, dhe ndoshta i duhej dhënë një start i ri.
