Pas u ndërpre dy herë seanca e parlamentit, Lindita Nikolla pranoi që t’i japë fjalën kryetarit të grupit të PD-së, Gazment Bardhi. Ai rreshtoi shkeljet që sipas tij ka bërë shumica socialiste.
“Ju keni marrë vendimin për të asgjësuar opozitën në Kuvend duke injoruar Kushtetutën. Kurrë nuk ka ndodhur që kryetarja e Kuvendit të hedhë në votim të drejtat e opozitës dhe kundërshtari t’i ketë votuar për t’i asgjësuar.
Kurrë nuk ka ndodhur që shumica të rrëzojë tetë kërkesa për komisione hetimore” tha ai.
Por Lindita Nikolla i preu fjalën. “Kjo nuk është procedurë. Ua ndërpres fjalën” tha ajo.
