LIVE-Gjykata e detyroi të paraqitet, Berisha i prerë: Unë nuk shkoj!

Ish-kryeministri Sali Berisha deklaroi sot edhe njëherë prerë dhe qartë, se nuk do të paraqitet përpara oficerit të policisë gjyqësore në SPAK pas vendimit të gjykatës dje që duhet të shkojë dy herë në muaj, të hënën e parë dhe të tretë. Gjithashtu i është bllokuar edhe lëvizja jashtë vendit në kuadër të hetimeve për kompleksin “Partizani” ku akuzohet për korrupsion. Për këtë dosje në burg është dhëndri i tij, Jamarbër Malltezi.