Pas 90 minutash debate në seancën gjyqësore mbrëmjen e sotme, Gjykata e Posaçme është tërhequr për të marrë vendimin për Jamarbër Malltezin dhe biznesmenin Fatmir Bekteshi.
Dy avokatët që mbrojnë Malltezin, Antoneta Sevdari dhe Klodian Skënderi pretendojnë se nuk ka asnjë shkelje ligjore. “Trualli u është rikthyer pronarëve. Të ardhurat janë krijuar nga aktiviteti” ishin pretendimet e avokatëve.
Në seancë ka folur edhe vetë dhëndri i Berishës. Prokuroria është përfaqësuar nga Arben Kraja, që ka kërkuar masën arrest me burg për dhëndrin e Berishës dhe detyrim paraqitje për biznesmenin. Pas pak pritet vendimi nga gjyqtarja Irena Gjoka.
