Një 58-vjeçare ka pësuar djegie trupore teksa ishte duke gatuar në banesën e saj në Gjirokastër.
Policia bën me dije se ajo është paraqitur për mjekim në spitalin e Gjirokastrës, por për shkak të shkallës së rëndë të djegies, është nisur për mjekim të specializuar në Tiranë.
Ka nisur puna për zbardhjen e rrethanave të ngjarjes.
Njoftimi i policisë:
Në urgjencën e spitalit Gjirokastër është paraqitur shtetasja L. B., 58 vjeçe, banuese në Luftinjë, Memaliaj, pasi dyshohet se duke gatuar në banesën e saj, është djegur aksidentalisht në pjesën e kraharorit, e cila është dërguar për mjekim më të specializuar në Spitalin e QSUT-së, Tiranë.
Grupi hetimor po punon për dokumentimin e plotë të rrethanave dhe shkakut të ngjarjes.
