Laert Haxhiu do të ekstradohet në Shqipëri
Gjykata e Apelit në Janinë, Greqi ka vendosur që Laert Haxhiu të ekstradohet në Shqipëri. Haxhiu që u arrestua disa muaj më parë në Greqi pritet që të përballet me akuzat për organizimin e gjashtë vrasjeve dhe pesë atentateve në Shqipëri.
Disa javë më parë policia njoftoi se ka zbardhur vrasjet e Çajup Selimit në Tepelenë 1 Qershor 2021, Alban Semakut të njohur si ‘kinezi’ në Peqin, 17 Tetor 2021, Albi Bashaliut në Peqin, 27 dhjetor 2021, Fridman Xhaferrajt në Korçë 14 qershor 2021, Dikens Halilit në Athinë, 4 tetor 2021 dhe biznesmenit Lulzim Qorri në Athinë, 13 Dhjetor 2018.
Ishte i penduari i drejtësisë, Artan Tafani, që tregoi vrasjet.
