Policia në Bruksel ka qëlluar një burrë gjatë ndjekjes për personin e armatosur që vrau dy suedezë të hënën në mbrëmje.
Burri u qëllua në një kafene në lagjen Schaerbeek, raportuan mediat lokale. Ndodhet në gjendje të rëndë. Prokurorët belgë raportuan incidentin, por thanë se nuk mund të konfirmonin ende nëse personi ishte killeri.
Brukseli ka qenë në alarmin më të lartë terrorist pas sulmit të së hënës.
Personi që u qëllua ka të ngjarë të jetë i dyshuari, tha Ministrja e Brendshme belge, Annelies Verlinden.
Verlinden i tha transmetuesit publik flamand VRT se arma automatike që iu gjet ishte e njëjtë me atë të përdorur në sulmin e së hënës, shkruan BBC.
