Policia e Tiranës ka ndaluar një të ri i cili me motor tentoi të çajë perimetrin e sigurisë që është vendosur në qendër të kryeqytetit në kuadër të masave të sigurisë të ndërmarra për samitin e Procesit të Berlinit.
Mësohet se i riu nuk i është bindur urdhrit të policisë për të ndaluar dhe gjetur një rrugë alternative dhe për këtë arsye është ndaluar nga efektivët dhe është shoqëruar në komisarit.
Ditën e sotme mbi 2000 efektivë policie janë angazhuar në të gjithë qytetin për mbarëvajtjen e këtij takimi dhe gjithashtu është devijuar qarkullimi i mjeteve në shumë akse rrugore.
