Parlamenti i Shqipërisë po diskuton sot rezolutën për Kosovën për ngjarjen e 24 shtatorit në Banjskë. Kryeministri Edi Rama mori fjalën duke deklaruar se do të thotë të vërtetën e tij për Kosovën pas akuzave të opozitës për reagim të butë dhe që nuk e përmendi Serbinë dhe Presidentin e saj. “Lajmi i vrasjes së efektivit ishte si një bombë”-tha Rama duke shtuar se “ishte si kronika e zezë e një kronike të paralajmëruar”.
https://www.facebook.com/plugins/video.php?height=314&href=https%3A%2F%2Fwww.facebook.com%2Fkuvendishqiperise%2Fvideos%2F1130269991692118%2F&show_text=false&width=560&t=0
“Ky është rasti për mua që t’i shtjelloj gjerësisht të vërtetat e mia për Kosovën në udhëkryqin mes të shkuarës dhe të ardhmes duke u nisur nga agresioni kriminal i Banjkës. Ai i nxori sërish thonjtë e krizës veriut të Kosovës dhe ia nguli më fortë se asnjëherë në fyt procesit të dialogut dhe shtetnjohjes përfundimtare të Kosovës.
Shfaqja me armë dhe uniforma ushtarake në frymën e ngarkuar të ekstremizmit dhe nacionalizimit serb dhe thasët e financimeve kriminale të veriut ishte si kronika e zezë e një kronike të paralajmëruar.
Lajmi i vrasjes së efektivit ishte si një bombë që shpërtheu me forcën e një sinjali pa ekuivok të përshkallëzimit të konfliktit në atë skenë. Ngujimi i kriminelëve serbë në një manastir ishte ftesë për ta çuar konfliktin pa kthim.
Fundi i ngjarjes ishte shembullor falë policisë së Kosovës që nuk ranë në kurthin e ngritur, që e neutralizuan rrezikuan e konfliktit duke u përgjigjur në mënyrën më të mirë dhe të drejtë provokimit kriminal serb.
Shpallja e zisë kombëtare nga Beogradi për kriminelët e eliminuar nga Policia e Kosovës ishte shëmbëlltyra e gjallë e hijes së të shkuarës që bashkëjeton me Serbinë që nga disfata finale e 1999-tës në Kosovë, si hija që e ndjek kudo njeriun sapo del drita” tha ai.
