Armando Broja dhe Ardian Ismajli janë mungesat e vetme e Shqipërisë për “finalen” ndaj Çekisë, që do të zhvillohet të enjten në “Air Albania” (20:45).
Trajneri Silvinjo theksoi në konferencën për shtyp se sulmuesi i Chelseat (Broja) nuk ia ka dalë dot të rikuperohet për nesër.
Sipas Supersport, Etrit Berisha rikthehet titullar mes shtyllave, duke i zënë vendin Thomas Strakoshës, i cili e nisi nga fillimi në ndeshjen me Poloninë.
Arlind Ajeti do të zëvendësojë Ismajlin e dëmtuar, duke formuar dyshen e qendrës së prapavijës me Berat Gjimshitin.
Në krahë të zakonshmit Elseid Hysaj dhe Mario Mitaj. Nuk ndryshon as mesfusha krahasuar me duelin e fituar 2-0 ndaj Polonisë.
Repart ku pritet të rreshtohen Kristjan Asllani, Ylber Ramadani dhe Nedim Bajrami.
Ndërkohë, në krahun e majtë të sulmit do e nisi nga minuta e parë Taulant Seferi, njësoj si në transfertën çeke. Ndërkohë që konfirmohen Jasir Asani në të djathtë dhe Sokol Cikalleshi në majë të ofensivës.
