Sekretari i Jashtëm britanik, James Cleverley ka udhëtuar sot drejt Izraelit për të shprehur solidaritetin dhe për të treguar mbështetjen me popullin e Izraelit, pas sulmeve nga grupi i armatosur Hamas.
Por teksa sekretari britanik ishte duke vizituar qytetin Ofakim në jug të Izraelit është përballur edhe me sirenat që paralajmëruan një sulm me raketa të Hamasati.
“Ky është realiteti me të cilin izraelitët po përballen çdo ditë,” shkruan në mesazhin e tij sekretari i Jashtëm britanik.
Në një video të publikuar në rrjete sociale shihet edhe momenti kur Cleverley vrapon për t’u mbrojtur nga sulmet ndërsa fshihet në një ndërtesë aty pranë.
