Tamar dhe Yonatan Kedem, së bashku me fëmijët e tyre Shasar, Arbel dhe Omer, u vranë të gjithë në Nir Oz, i cili ndodhet vetëm 1.4 milje nga kufiri i Izraelit me Gazën.
Ata janë pesë nga më shumë se qindra izraelitët e vrarë që kur Hamasi nisi ofensivën e tij në shkallë të gjerë gjatë fundjavës, thanë të hënën Forcat Mbrojtëse të Izraelit (IDF).
Figura të njohura denoncuan vrasjen e familjes, përfshirë ish-kryeministrin izraelit Naftali Bennett.
Ushtria izraelite tha të hënën se kishte goditur më shumë se 500 objektiva në Rripin e Gazës si hakmarrje brenda natës, një enklavë prej 2.3 milionë banorësh, me zyrtarët atje që raportuan të paktën 500 të vdekur palestinezë.
Ministri i Mbrojtjes i Izraelit ka urdhëruar një “rrethim të plotë” të Gazës, tre ditë pasi militantët e Hamasit filluan të sulmojnë civilët izraelitë në vend.
Ministri Yoav Gallad shtoi se autoritetet do të ndërpresin energjinë elektrike në zonën kufitare dhe do të parandalojnë hyrjen e ushqimit dhe karburantit në zonë.
