Pas protestave të zhvilluara ditën e djeshme nga punëtoret e kompanisë turke “Ozgun Kan Albania” për pagat e dy muajve Prokuroria e Fierit ka nisur hetimet.
Sipas Prokurorisë së Fierit po vijojnë hetimet me kryerjen e veprimeve të tjera hetimore me qëllim zbardhjen e plotë të ngjarjes dhe zbulimin e së vërtetës.
Aktualisht fasoneria është e mbyllur ndërsa ish-punëtoret kërkojnë pagat e prapambetura.
“Sqarim nga Prokuroria Fier mbi hetimet për kallëzimin penal të një grupi punonjësish ndaj subjektit O.A. shpk.
Nisur nga interesi i lartë dhe ndjeshmëria e çështjes dhe për të sqaruar opinionin publik, Prokuroria pranë Gjykatës së Shkallës së Parë të Juridiksionit të Përgjithshëm Fier bën me dije se më datë 09.08.2023, ka regjistruar procedimin penal nr.957, për veprën penale “Falimentimi i provokuar”, parashikuar nga neni 193, i Kodit Penal.
Ky procedim penal ka filluar mbi bazën e kallëzimit penal të paraqitur nga një grup punonjësish të subjektit “O.A” SH.P.K., me administrator z. E.T, të cilët pretendojnë për shkelje ligjore të kryera nga kjo shoqëri lidhur me mosdhënien e pagave dhe mbylljen e aktivitetit. Në funksion të hetimeve janë kryer një sërë veprimesh hetimore.
Çështja penale është ende në hetim dhe po vijon puna me kryerjen e veprimeve të tjera hetimore me qëllim zbardhjen e plotë të ngjarjes dhe zbulimin e së vërtetës.’- njofton prokuroria e Fierit.
70 gra e vajza kanë punuar deri më muajin qershor të këtij viti pranë kompanisë turke, më pas janë pushuar pa asnjë shpjegim,” thuhet në njoftimin e Prokurisë.
