Mbledhja e datës 2 Tetor e Këshillit Drejtues, vazhdon të rëndojë gjendjen psiqike dhe emocionale të kapterit dhe çetës së tij. Aq rëndë e ka përjetuar mbledhjen e Këshillit Drejtues, sa ka përfunduar të bëhet sufleri i Skiles. Me fjalët e kapterit dhe fytyrën e Skiles, sulmojnë Kryetarin e Këshillit Drejtues a thua se e ka ai fajin për zhytjen e RTSH në kaosin aktual.
Z. Sufler,
Shkarkimet e personelit me eksperiencë dhe lëshimin e institucionit në pikiatë kush e bëri, kapteri apo kryetari?
Emërimet e jashtëligjshme të drejtorëve në RTSH, që nuk po dinë ca të bëjnë me pozicionin që u është dhënë, kush i bëri, kapteri apo kryetari?
Sektorin e prokurimeve kush e shpartalloi, kapteri apo kryetari?
Teknikën në TV kush e shkatërroi, kapteri apo kryetari?
Televizionin në dorë të katundarëve dasmaxhinj kush e lëshoi, kapteri apo kryetari?
Por skilja, i pranon fjalët e kapterit në gojë se i mungojnë milionat e punëve të dyta dhe të treta. Këshilli mund të verifikojë lehtësisht pagesat që ka marrë skilja jashtë pagës së vet, jo se bënte punë, por sepse ishte manar i kandidates për Zv. Drejtore.
Në fakt skilen e verbon vërtet fasada e suflerit të vet që lyen me bojë disa korridore, veprim me të cilin skilja ekstazohet, ndërsa çeta e kapterit pasurohet. Skilja vazhdon ankohet për cilësinë e ajrit që kapteri i premton se do ia rregullojë, siç i premtoi Shkumbinit se do e bënte si Milani.
Por simptomat e shkundjes që iu bë në mbledhje kapterit nuk janë kruajtje, por dridhje nga ndjesia e të marrit fund. Veprimi i të bërit sufler i skiles, shënon edhe nivelin ku noton kapteri i çetës së Borës, Blertave, Xhabaftit, Lamajt, Grorit, Agalliut, Cecos, Polos, Lakos, Qirjakos, Loles, Peqinit, Prendit, Rrapajt etj.
Kush punon në media e kupton çfarë misioni ka kjo çetë, ndërsa publiku mjafton të shikojë CV e tyre dhe e bën vetë vlerësimin. Por sufleri, mirë që çetën e ka të paaftë dhe analfabete, (në rastin me të mirë poet në kërkim të promovimit, në rastin më të keq biolog për mushkonjat), por dhe aktorin e zgjedh të paaftë dhe nën efektin e lëndëve stimuluese të humorit.
Ky i fundit, edhe pse në karrierën e vet nuk ka shkruar asnjë faqe tekst si gazetar apo si redaktor (megjithëse paguhet prej vitesh si i tillë), kërkon të bëhet showmen i të mërkurës mbrëma me megaargumentet e kapterit. Por ato momente vetëkënaqësie nuk e çbëjnë shkeljet e statutit që kapteri ka bërë, aty ku dhe bazohet puna e Këshillit Drejtues për çmontimin e Pezës dhe servilëve që ai ka marrë pas.
Ai duhet të kuptojë që shteti flet me letra dhe institucionet shtetërore nuk mund të shndërrohen në shtojca të Ylli Ndroqit, i cili përveç kapterit, tani me anë të tij solli edhe nipin në RTSH.
Lexuesit dhe taksapaguesit shqiptarë e kuptojnë vetë kush e ka marrë nipin e Ylli Ndroqit në punë, kapteri apo kryetari?
Të gjithë duhet të ngrihen, të flasin dhe veprojnë që lekët e taksapaguesve shqiptarë mos ti çojë kapteri në familjen e Ylli Ndroqit.
Çeta që e rrethon dëshmon qartë 3 fakte të pamohueshme:
-Paaftësi
-Mungesë eksperience
-Shkelje e rregulloreve në emërim.
Këshilli e ka të qartë situatën dhe do marrë vendim në mbledhjen e radhës, pavarësisht insekteve që përpiqen të fasadojnë gënjeshtrat e kapterit duke u bërë prozatorë të yshtur të dimrit të fundit të kapterit, më parë se të mësojnë alfabetin.
P. S. Ky shkrim, nuk ka asgje personale për kafshët me gëzof dhelprat (skilet), të cilat janë të mbrojtura, sipas moratoriumit të gjuetisë në Republikën e Shqipërisë, datë 30 Mars 2022.
