Media serb, Nova.rs ka publikuar një artikull ku shprehet shpëtimtari i vetëm i Serbisë për të mos u sanksionuar mund të jetë Hungaria.
Sipas medias serbe shpëtimi i vetëm i Serbisë është kryeministri hungazez, Viktor Orban të cilit Vuçiç në takimin e fundit i ka kërkuar të reagojë nëse në rendin e ditës në Bruksel janë sanksionet e mundshme ndaj Serbisë dhe ndaj tij personalisht.
Presidenti i Serbisë i ka kërkuar Orban të shfrytëzojë të drejtën e vetos dhe të pengojë BE-në nga ndëshkimi i Serbisë në çfarëdo mënyre.
“Ai i kërkoi hapur Orbanit, me të cilin takohet më rregullisht se kurrë, që të ndikojë në vendimet e Bashkimit Evropian nëse ato janë të drejtuara kundër tij dhe qeverisë së tij.
Konkretisht, Vuçiç i përmendi Orbanit se ai e di se po flitet për masa të mundshme kundër Serbisë. se me atë rast tashmë janë organizuar disa takime dhe se pret që Hungaria të reagojë dhe të vërë veton nëse votohet.
Kryeministri i Hungarisë iu përgjigj se vendi i tij nuk pajtohet me politikën e sanksioneve dhe se për këtë arsye ai do të sigurisht të jetë kundër një vendimi të tillë”, ka thënë një burim për median serb.
