I penduari i drejtësisë, Artan Tafani deri tani me dëshmitë që ka dhënë ka zbuluar autorët që qëndrojnë pas gjashtë vrasjeve, katër në Shqipëri dhe dy në Greqi. Por duket se nuk mbyllet gjithçka këtu.
Policia bashkë me prokurorinë janë duke verifikuar dëshminë e tij edhe për një tjetër ngjarje kriminale që ka ndodhur në aksin Fier-Lushnje.
Tafani ka deklaruar se nuk ka qenë vetë i pranishëm apo pjesë e bandës së Haxhiut në këtë rast, por ka dëgjuar nga rrethi i tij për krimin e kryer.
Kjo ka shtyrë organet të nisin hetimet për të vërtetuar dëshminë e tij. Artan Tafani e implikoi grupin e Haxhisë edhe në trafikun e kokainës nga Amerika Latine.
Vrasjet e zbardhura;
Alban Semaku, 17 Tetor 2021
Çajup Selimi, 1 Qershor të 2021
Albi Bashaliu, 27 Dhjetor 2021
Fridmand Xhaferraj, 13 Maj 2021
Lulzim Qorri, 12 Dhjetor 2018 (Athinë)
Dikens Halili, 3 Tetor 2021 (Athinë)
