Një sërë ngjarjesh kriminale janë zbardhur nga zbërthimi i të penduarit të drejtësisë Artan Tafanit anëtar i bandës së Laert Haxhiut. Më 8 qershor 2022 banda e Laert Haxhiu i vuri eksplozivin lokalit dhe dyqanit të të babait të reperit Noizy, Bashkim Rajkut. Autorët që i vendosën tritol janë Laert Haxhiu, Artan Tafani, Gëzim Spahiu (Arapi) dhe Erisian Abedini.
Zbardhet shpërthimi me tritol në bizneset e këngëtarit Noizy
Rreth 100 gr tritol shpërtheu në bizneset e reperit të njohur Rigels Rajku, njohur me emrin e artit “Noizy”. Dëmet materiale në dyqanin e veshjeve dhe lokalin që ndodhen në katin e parë të e të dytë të një pallati pranë zonës bregdetare të Durrësit ishin të mëdha. Lënda plasëse ishte vendosur në murin e jashtëm të biznesit dhe ishte ndezur me fitil përcjellës, thanë burimet e policisë.
