Në dy ditët e fundit në vend janë regjistruar disa ngjarje të rënda ku për pasojë kanë humbur jetën 3 persona dhe u plagosën 4 të tjerë.
Nuk bëhet fjalë për aksidente dhe vdekje natyrale por atentate të regjistruara nga një e shkuar problematike e cila të tashmen e bën të vishet me të zeza.
Ditën e djeshme Rrësheni u zgjua me të shtëna të cilat i morën jetën Martin Bardhit (Marku). Për veç tij plumbat morën edhe njerëz të pafajshëm të cilët ndodheshin me viktimën, duke plagosur rëndë Oltion Gjini, Ilir Bardhoku dhe Indrit Bardhi.
Dy persona të maskuar me fuoristradë të zezë janë ndaluar në rrugën kryesore, në afërsi të komisariatit të policisë duke qëlluar në drejtim të shënjestrës.
Akoma pa e marrë veten nga atentati i Rrëshenit shqiptarët u zgjuan duke lexuar për një tjetër lajm i cili tronditi që me mëngjes Sukthin.
Kësaj here atentat iu bë 38-vjeçarit, Fatjon Dervishi. Autorët e saktë e qëlluan 38-vjeçarin me dy plumba duke i marrë jetën.
Ndërsa po sot pa u mbyllur dita në Dukagjin u raportua për një tjetër ngjarje e rëndë dhe po me viktima. Babai Zef Guri dhe djali i tij, Gjin Guri u gjenden mbrëmjen e sotme në një atentat të cilin i mori jetën 73-vjeçarit.
Dyshohet se shënjestra ishte Gjin Guri, i cili kishte probleme dhe konflikte të mëparshme. As për këtë ngjarje s’ka të arrestuar deri më tani.
