Fatjon Dervishi mbeti i vrarë mbrëmë në Sukth. Një kushëri i tij ka rrëfyer për mediat se Dervishi jetonte në Gjermani. Familjen e kishte jashtë. La jetimë dy kalamaj. Ai ka treguar se dëgjoi krismat në momentin që e qëlluan kushëririn e tij.
“Fajtoni ishte çun me nam këtu. Punonte në Gjermani. Vinte ikte, ishte çun i urtë. E kam fqinj, nëna ime e ka djalë daje. Nuk isha mbrëmë në shtëpi, pasi punoj roje nate. I dëgjuam krismat, veç kaq.
Ika pastaj e lash punën, shkova në shtëpi. I martuar ishte Fatjoni, ka dy fëmijë, i ka jashtë. Këtu jetonte me babin, nëna i ka vdekur. Një vëlla e ka jashtë, një vëlla në burg për drogë. Kishte qenë në një lokal në Sukth. Nuk di që të ketë pasur konflikte”, tha kushëriri.
