Personi që shihni në foto është 63-vjeçari Martin Bardhi që u ekzekutua ditën e sotme në Rrëshen. Ngjarja e rëndë ndodhi paraditen e sotme. Ai u vra në lokalin e tij duke pirë kafe. Tre të tjerë që ishin në tavolinë u plagosën rëndë dhe ndodhen në spitalin e Traumës në Tiranë. 
Autorët, sipas policisë ishin dy. Zbritën nga fuoristrada, të maskuar dhe me kallash qëlluan drejt tavolinës. Shënjestra vdiq në vend. Pista e parë ku po hetohet është një konflikt mes dy fiseve, Bardhi dhe Reçi. Zanafilla është 6 muaj më parë.Data është e njëjtë 26, ajo në mars dhe sot në shtator. Në mars shkak për sherrin u bënë dy të rinjtë Enrik Bardhi, që është djali i Martin Bardhit dhe Saimir Reçi të cilët u përplasën fizikisht. Dy të rinjtë janë përplasur fizikisht me njëri-tjetrin për parakalimin me makine në rrugën kryesore të qytetit. Saimir Reçi është nipi i Kastriot Reçit të ekzekutuar në 2020.
Më pas, Enrik Bardhi ka shkuar në banesë dhe ka marrë armën për ta qëlluar bashkëmoshatarin e tij. Bashkë me Enrikun, ka shkuar edhe i ati, Martin Bardhi të cilët kanë qëlluar në drejtim të makinës së blinduar të Saimir Reçit, i cili si pasojë e të shtënave, humbi kontrollin e mjetit dhe u përplas me bordurën e rrugës.Nga të shtënat nuk pati persona të lënduar. Policia arrestoi të atin, Martinin dhe shpalli në kërkim djalin. 63-vjeçari u lirua më pas në detyrim paraqitje dhe sot u vra. Nuk dihet ende zyrtarisht nëse ngjarja e sotme lidhet me konfliktin 6 muaj më parë. Hetimet vazhdojnë, autorët janë arratisur.
Ronaldo me fjalë të mëdha për Yamal: Është një fenomen, do të fitojë shumë trofe
Cristiano Ronaldo ka folur fjalë të mëdha dhe ka dhënë lëvdata për talentin e madh të Spanjës, Lamine Yamal. Dyshja...
Read moreDetails
